，一路都寫唔到落去，甚至都忘記咗有呢個blog的存在。其實我而家都就嚟準備結婚
，於是就寫番個blog，我發覺我寫結婚blog都幾勤力添呀，至少久唔久都有篇文呀。就響呢一兩日至發覺，原來自己結婚blog個ranking都唔算好差呀，都叫做排十一萬幾呀，而另外我有一個寫日常生活又係已經有成年無寫文的blog都有七萬幾排名，於是我就嚟睇番呢個blog死未啦，點知咁耐無入嚟都竟然唔係包尾添，一百二十幾萬個blog都排成八十幾萬
，都算唔錯喎！我諗諗下我梗係呃咗唔少人入過嚟睇過啦，所以都可以維持到唔包尾的結局。不過我覺得為咗對得住以前有入過嚟的blogger同網友，我都係俾心機d寫番d嘢啦!!!呢兩日開始搵返啲圖，有啲係自己有啲係人地，不過要盡量唔搵到有人家個樣的唔容易。我覺得唔想唔方便人家的話，都係避開個樣好啲！
至於近況如何，除咗搞結婚之外，我都就嚟轉工了，所以日後寫番呢份工的情況會來得方便，至少唔怕俾人查「呢個女警係邊個？」。其實我都發覺，我以前訂開嚟睇的警察BLOG，唔少師兄師姐已經唔再寫BLOG，甚至D舊文都無哂。唉，無他的，因為之前有唔少人HI/溂咗嘢。下場當然唔係好好。
我男朋友話我好似好唔捨得走，其實都無乜咖，但都會諗住留番Ｄ有紀念價值的嘢嘛。不過我成日都話「人之將走、其言也賤」，走咗，我諗我講呢個部門會更大膽，更多嘢講，但絕對又唔係咩秘聞。響呢個腹背受敵的部門，能夠生存落去，絕對是一門學問。
不過，我總算捱過咗！
沒有留言:
張貼留言